香港文化博物馆最大型免费本地漫画展～

二十世紀初？康文署同香港動漫畫聯會聯合主辦全新「漫眾同樂—幽默港漫格格趣」展覽，展期長達十個月，最正係完全免費入場！每個年代都有唔同嘅漫畫角色陪大家成長，由《老夫子》、《牛仔》到《壽星仔》、《哨牙珍》、《Q小子》，再到《癲噹》、《丁丁企鵝》、《大麻成》同《大大與小妹》等，每一個角色都寄託住幾代香港人嘅珍貴回憶！展覽分五大展區，除咗展出各個年代嘅珍貴手稿、漫畫書刊、主題產品，展場內仲有得玩互動體驗，等你親手創作漫畫，感受下做漫畫家嘅樂趣。另外，展覽都安排咗一系列費用全免嘅特備節目，包括講座、似顏繪體驗同動畫配音工作坊。唔單止可以聽資深漫畫家分享創作心得，仲可以體驗做配音員嘅感覺，甚至有專業漫畫家為你畫個人漫畫肖像。快啲mark低呢個日子，帶埋屋企人或者朋友一齊重溫香港漫畫嘅輝煌歲月啦！

展覽分為五大展區，你可以同11組經典漫畫角色打卡，重溫1950年代至今嘅重要作品，感受香港幽默漫畫嘅獨特魅力。

展場內除咗展出各個年代嘅珍貴手稿、漫畫書刊、主題產品，比大家認識漫畫家嘅靈感泉源，同時重溫1950年代至今嘅重要作品！

展場內互動體驗區，可以透過互動裝置進行數碼似顏繪，創作專屬漫畫人物；又可以用漫畫哈哈鏡將自己嘅樣貌即時漫畫化；仲可以走入漫畫照相館，直接融入漫畫書嘅畫框入面，成為故事嘅一部分，真係夢幻到爆！

除咗精彩嘅展覽，仲有一系列特備節目等緊你，全部以粵語進行，費用全免，包括：資深漫畫家馬星原先生同創作人盧子英先生嘅分享講座；由專業漫畫家為你畫個人漫畫肖像嘅似顏繪體驗；仲有專業配音員教你配音技巧嘅動畫配音工作坊！

漫眾同樂 — 幽默港漫格格趣｜香港流行文化節2025

時間：10:00 – 18:00 (星期一、三至五) ； 10:00 – 19:00 （星期六、日及公眾假期）
日期：即日起至至2026年3月9日
地點：香港文化博物館一樓專題展覽館一至二

以上信息来自香港人游香港